Brisketreak

Brisketreak er godteri laga av einerbær. I ei slktshistorie frå hemsedal står det at kyrkjefolket på messesundagar rundt 1865 hadde med seg og trakterte kvarandre med brennevin, sukker, nellikar og brisketreak.

Oppskrift frå Hemsedal

20 l bær
6 l mjølk
1 l fløyte
1 kg sukker

Fyll vatn på bæra til det går over dei.
Kok under lokk 2-3 timar. Sil lågen gjennom klede og fyll på nytt vatn.
Gjer dette 3 gonger. Kok lågen inn til det er att ca 1/3. Ha i alt det andre og kok vidare under omrøring. Ikkje bruk for sterk varme mot slutten. Ta massen over på eit bord, del i høvelege emne og rull til skaft. Pakk skafta inn i matpapir etter eit par timar. Lagre skafta i ein tett boks.

I boka Hallingkost av Lise Laa står denne oppskrifta:

5 l briskebær
800 g G 35 (brunost)
½ kg brunt sukker
¼ l fløyte

Reins bæra. Ha dei i ein kjele og fyll i vatn til det dekkjer bæra. Kok i 2-3 timar (eller natta over). Stamp og sil. Kok inn krafta. Tilsett sukker, fløyte, og brunost. Rør godt og kok til ein tjukk graut. Form til skaft.